O‘zbekiston prezidenti Shavkat Mirziyoyev 21−22 noyabr kunlari rasmiy tashrif bilan Fransiyada bo‘ladi. Tashrif dasturida Parijda oliy darajadagi ikki tomonlama muzokaralar, ushbu mamlakatning yetakchi kompaniya va banklari rahbarlari ishtirokida ishbilarmonlik tadbirlarini o‘tkazish ko‘zda tutilgan.
Shavkat Mirziyoyev Toshkentda bo‘lib o‘tgan kichik yoshdagi bolalarni tarbiyalash va ta’lim berish bo‘yicha Butunjahon konferensiyasida nutq so‘zladi. Davlat rahbari 2025 yilda bolalarni maktabgacha ta’lim bilan qamrab olish darajasi 80 foizga yetkazilishni ta’kidladi.
O‘zbekiston prezidenti Istanbul shahrida yuz bergan portlash oqibatida insonlar qurbon bo‘lgani va jiddiy jarohat olgani munosabati bilan Rejep Tayyip Erdo‘g‘anga ta’ziya bildirdi.
O‘zbekiston prezidenti TDT sammitida «so‘nggi paytlarda jahonning turli nuqtalaridagi ziddiyatli voqealar turkiy dunyoning umumiy xavfsizligiga ham ta’sir o‘tkazayapti», deya ta’kidladi. Bundan tashqari, Shavkat Mirziyoyev Afg‘oniston masalasi hech qachon nazardan chetda qolmasligi ham muhimligini eslatib o‘tdi.
Shavkat Mirziyoyev Turkiy davlatlar tashkiloti sammiti ishtirokchilariga O‘zbekistonning 2023-yilni Turkiy sivilizatsiyaning yuksalish yili, deb e’lon qilish taklifini qo‘llab-quvvatlagani uchun minnatdorchilik bildirdi. “Men ishonaman, Turkiy dunyoni buyuk kelajak kutmoqda”, — dedi u.
TDT sammitida Shavkat Mirziyoyev a’zo mamlakatlar bugungi kunda keskin geosiyosiy ziddiyatlar va global iqtisodiy inqiroz bilan bog‘liq sinovlarni boshdan kechirayotganini ta’kidladi. «Qiyinchiliklarni do‘stlik, hamkorlik va bir-birimizni qo‘llab-quvvatlash orqali yengib o‘tishga qodirmiz», — dedi Shavkat Mirziyoyev.
Turkiya prezidenti Rejep Tayyip Erdog‘an O‘zbekistonning «Oliy darajali Imom Al-Buxoriy» ordeni bilan taqdirlandi. Unga bu yuksak mukofotni davlat rahbari Shavkat Mirziyoyev topshirdi.
Samarqand shahrida Turkiy davlatlar tashkiloti sammiti doirasida O‘zbekiston va Vengriya yetakchilari uchrashuv o‘tkazdi. Shavkat Mirziyoyev va Viktor Orban muzokara sanoat, kimyo tarmog‘i, farmatsevtika, bank-moliya, transport va logistika sohalaridagi investitsiya loyihalari yuzasidan fikr almashdi.
O‘zbekiston prezidenti Shavkat Mirziyoyev «Jahonning eng nufuzli 500 musulmoni» («The Muslim 500») ro‘yxatiga kiritildi. Undan Turkiya, Qozog‘iston, Ozarbayjon rahbarlari ham o‘rin olgan. Qolaversa, ro‘yxatda O‘zbekiston musulmonlari idorasining sobiq raisi, marhum Usmonxon Alimov ham qayd etildi.
Shavkat Mirziyoyev 10−11 noyabr kunlari bo‘lib o‘tadigan Turkiy davlatlar tashkiloti sammiti tadbirlarida ishtirok etish uchun Samarqand shahriga bordi. Davlat rahbari tadbir oldidan Imom Buxoriy maqbarasi va Islom Karimov qabrini ziyorat qildi.
Shavkat Mirziyoyev Olimpiya shaharchasiga tamal toshini qo‘ydi. U 2025 yilgi yoshlar o‘rtasidagi Osiyo va Paraosiyo o‘yinlari uchun qurilmoqda. Loyihaning qiymati 289 million dollardan oshadi. Musobaqadan so‘ng majmuada Sport vazirligi, federatsiyalar va O‘zbekiston davlat sport akademiyasi faoliyat ko‘rsatadi.
Mahalliy ishlab chiqarishni qo‘llab-quvvatlashga bag‘ishlangan yig‘ilishda prezident qurilish materiallari ishlab chiqaruvchilar uchun «Canoat ipotekasi» dasturini ishlab chiqishni taklif qildi, shuningdek, mebel ishlab chiqaruvchilar uchun bojxona imtiyozlarining amal qilish muddatini uzaytirish bo‘yicha topshiriq berdi.
Prezident 65 ta yirik korxonada ishlab chiqarish kamaygani, sanoat zonalari infratuzilmasi bilan bog‘liq muammolar va qimmat xom ashyo uchun mutasaddilarni tanqid qildi. Xom ashyo importi hisobiga zaxira yaratish va Yevropaga sanoat eksportini ko‘paytirish bo‘yicha ko‘rsatmalar berdi.
Shavkat Mirziyoyev imtiyozlar samaradorligi tahlili bo‘yicha yig‘ilishda soliq va bojxona imtiyozlarini xatlovdan o‘tkazish, samarasizlarini bekor qilish, xorijiy va mahalliy investorlar uchun preferensiyalarni bir xillashtirish zarurligini ta’kidladi.
Prezident Shavkat Mirziyoyev Seul shahrida sodir bo‘lgan tiqilinchda eng kamida 153 kishi halok bo‘lgani munosabati bilan Janubiy Koreya prezidentiga ta’ziya yo‘lladi. O‘zbekiston TIV hodisa sabab yana bir o‘zbekistonlik jarohat bilan shifoxonaga yotqizilganini ma’lum qildi.
Prezidentning u yoki bu hududga tashrifidan oldin, u haqiqiy holatni juda yaxshi bilishini ta’kidlab, buni qilmaslikka chaqirgan bo‘lsada, keng ko‘lamli tayyorgarlik ishlari olib boriladi. Ushbu amaliyot hanuz davom etmoqda. «Gazeta.uz» Uchtepa tumani prezidentning tashrifiga qanday tayyorgarlik ko‘rganini kuzatdi.
O‘zbekiston va Yevropa kengashi rahbarlari kengaytirilgan sheriklik borasidagi bitim tezroq imzolanishiga umid bildirdi. Ular inson huquqlari bo‘yicha hamkorlikni kuchaytirish, Transkaspiy yo‘lagi orqali savdoni ko‘paytirishga kelishib oldi. Afg‘oniston tahdidlar manbaiga aylanmasligi kerakligi ta’kidlandi.
Prezident Shavkat Mirziyoyev va Yevropa Kengashi rahbari Sharl Mishel O‘zbekistondagi iqtisodiy islohotlar, so‘z erkinligini ta’minlash hamda boshqa masalalarni muhokama qildi.
Ostonada o‘tkazilayotgan «Markaziy Osiyo — Yevropa Ittifoqi» sammitida O‘zbekiston prezidenti YeI bozorlariga chiqish uchun samarali transport-logistika koridorlarini yaratish zarurligini ta’kidladi. Mamlakat Yevropa investitsiya bankining mintaqaviy ofisini ochish uchun tayyorligini bildirdi.
Prezident 2 oyda 300 ta mahallada tibbiyot punkti ochish bo‘yicha topshiriq berdi. Martgacha punktlar oilaviy poliklinikalardan 10 km uzoqlikdagi 272 ta mahallada ham paydo bo‘ladi. Yana 640 ta tez yordam mashinasi xarid qilinadi. Qolaversa, shifokorlarning maoshini oshirish bo‘yicha qaror loyihasi tayyorlanadi.
Qo‘shimcha imkoniyatlarga ega bulish uchun saytda ro‘yxatdan o‘ting